ཕྱི་ལོ་༢༠༠༨ ལོར་ཁར་ལེ་ཊོན་དང་སེན་ཌ་ཨོ་ལ་ཧྥེ་མཐོ་སློབ་ཀྱི་སློབ་མ་བདུན་གྱིས་ལམ་སྟོན་གསར་འཛུགས་གནང་། ཁོང་རྣམས་འབྲིང་རིམ་སློབ་གྲྭ་འགྲིམས་པའི་སྐབས་ལས་རིམ་དེ་རིགས་ཀྱིས་ཕན་ཐོགས་བྱུང་ནས། བོད་མིའི་སྤྱི་ཚོགས་ནང་ལས་རིམ་དེ་རིགས་དགོས་མཁོ་དང་གལ་ཆེན་མཐོང་ནས་ལས་རིམ་དེ་གསར་འཛུགས་གནང་། མི་ནི་སི་ཊའི་བོད་རིགས་སྤྱི་ཚོགས་ཁྲོད་མཐོ་རིམ་ཤེས་ཡོན་གོང་འཕེལ་གཏོང་ཆེད། ལམ་སྟོན་གྱིས་འབྲིང་རིམ་བར་མ་དང་འབྲིང་རིམ་སློབ་ཕྲུག་རྣམས་ལ་གཤམ་གྱི་གོ་སྐབས་བསྐྲུན་གྱི་ཡོད།
༡)སློབ་གྲྭའི་ཤེས་ཡོན་གྲུབ་འབྲས་གོང་མཐོར།
༢) མཐོ་སློབ་ཀྱི་སྤྱི་ཡོངས་ངོ་སྤྲོད་དང་མཐོ་སློབ་ཏུ་སློབ་འཇུག་བྱེད་སྟངས།
༣) སློབ་ཕྲུག་རྣམས་ལ་ལམ་སྟོན་དང་ཟབ་སྦྱོང་། མི་གཅིག་ལ་དམིགས་བཀར་གྱི་ལམ་སྟོན་སོགས་ཀྱི་ལས་རིམ་ལ་བརྟེན་ནས། མཐོ་སློབ་འགྲིམས་ཆེད་ཀྱི་ལམ་སྟོན་དང་རྒྱབ་སྐྱོར་སོགས་ཀྱི་མཐུན་སྦྱོར་གནང་གི་ཡོད།
ལས་རིམ་དེ་ནི་བོད་མིའི་སློབ་ཕྲུག་གིས་བོད་མིའི་སློབ་ཕྲུག་གི་ཆེད་དུ་སྤེལ་བ་ཞིག་ཡིན་པས། གལ་ཏེ་ཁྱེད་རང་ལམ་སྟོན་ལ་མཉམ་ཞུགས་བྱེད་འདོད་ཡོད་ཚེ། གློག་འཕྲིན་ཁ་བྱང་LamtonMN@gmail.com འམ་LamtonMN.orgལ་འབྲེལ་བ་གནང་རོགས།