Contact us

བོད་རིགས་མང་ཚོགས་ནས་ཁྱེད་རང་གིས་ང་ཚོའི་དམིགས་ཡུལ་དང་འགྲོ་བཞིན་པའི་ལས་གཞི་ཁག་ལ་རྒྱབ་སྐྱོར་གནང་བར་ཐུགས་རྗེ་ཆེ་ཞུ། ཁྱེད་རང་གི་རྒྱབ་སྐྱོར་ནི་དགོས་མཁོ་ཆེ་བའི་ང་ཚོའི་རིག་གཞུང་དང་སྤྱི་ཚོགས་ཀྱི་ལས་གཞི་མང་པོ་ཞིག་རྒྱུན་ཆད་མེད་པར་སྤེལ་ཐུབ་པར་གལ་ཆེན་ཆགས་ཡོད། ང་ཚོ་ཚོགས་པ་ནི་ཁྲིམས་མཐུན་དེབ་སྐྱེལ་བྱས་པའི་ཁ་མེད་ཚོགས་པ་ཞིག་ཡིན་པ་དང་། ང་ཚོར་རོགས་དངུལ་གནང་བ་ཚང་མ་ཁྲིམས་མཐུན་ལྟར་ཁྱེད་རང་གི་ཡོང་འབབ་ཐོག་གི་དཔྱ་ཁྲལ་ནས་འཐེན་ཆོག་པ་རེད། མ་འོངས་འཕེལ་རྒྱས་ཀྱི་འཆར་གཞི། མི་ནི་སི་ཊའི་ཊེ་ཝན་གྲོང་ཁྱེར་ཁུལ་དུ་བོད་མི་གནས་སྤོ་བྱེད་མཁན་དང་བོད་མིའི་མི་འབོར་མང་དུ་འགྲོ་བཞིན་པ་དང་བསྟུན། དེ་གའི་ཚོགས་པ་ནས་སྤྱི་ཁང་ས་ཁྱོན་ཆེ་བ་ཞིག་བསྐྲུན་ཐབས་བྱེད་བཞིན་ཡོད། སྔོན་རྩིས་འཆར་དངུལ་ཨ་སྒོར་ས་ཡ་༢.༣ འགྲོ་གྲོན་བཏང་ནས། ད་ལྟའི་སྤྱི་ཁང་གི་ཁང་རྩེག་དེ་བསྐྱར་བཟོ་བྱས་ཏེ་ཧྥི་ཊི་གྲུ་བཞི་མ་༦༠༠༠(རླངས་འཁོར་༡༢༠ བཀག་འཇོག་གི་ས་ཁྱོན་ཡོད་པ་) ཡི་རྒྱ་ཁྱོན་སྣོན་མ་བྱས་ཏེ་གཤམ་གྱི་ཆ་རྐྱེན་ལྡན་པ་ཞིག་བཟོ་འཆར་ཡོད། ༡) བོད་ཀྱི་སྐད་ཡིག་དང་རིག་གཞུང་སློབ་གྲྭའི་སློབ་ཕྲུག་གྲངས་༢༥༠ བར་ལ་སློབ་ཁང་གི་ས་ཁྱོན་གདང་ངེས་ཤིག ༢) སློབ་ཕྲུག་ཚོར་དེང་དུས་བརྙན་ཆས་དང་འཕྲུལ་ཆས་ཁང་། ༣)གཞོན་སྐྱེས་ཚོའི་ཆེད་དུ་སིལ་སྤོལ་རྩེད་ཐང་། ༤) མཛད་སྒོའི་སྐབས་མི་མང་༥༠༠ ཤོང་བའི་ས་ཁྱོན། ༥) མི་རབས་རྒན་པ་རྣམས་ལ་ཞབས་ཞུའི་ཆ་རྐྱེན། དམིགས་ཡུལ་དེ་དག་སྒྲུབ་ཆེད་དུ་ཁྱེད་ཅག་གི་དཔལ་འབྱོར་རོགས་རམ་གལ་ཆེན་ཆགས་ཡོད།